光．軍: 《小印度Little India》係可以行足大半日!

早餐先來一杯南洋咖啡配咖央多士及滑過豆腐花的水煮蛋．咖啡超濃好正好好味．食每一啖都用條命博的薄咖央多士加勁多牛油．正到爆! 水煮蛋的蛋白真係滑到似飲水．試一啖食剩的蛋黃後．嘩! 真係好腥!!去到第二個地方當然要入鄉隨俗．平時唔食唔試的都要一試啦! 用最快的方法食埋佢．"吞"係一個史上最有智慧的飲食方法．5秒鐘內分兩次吞．嘩嘩嘩! 晨早就搞到成口腥哂~ 好爽啊~ Babe~

好好好想食炸香蕉　諗住轉頭買　點知又唔記得!

在榴槤檔聽到香港人講廣東話．佢地三母女居然問檔主邊度有藥油賣(豆蔻油、紅花油...)??本來我有我影相．妳有妳地問．真係唔忍心佢地用"普通廣東話"同榴槤佬溝通．最後由註新加坡香港友誼先生翻譯．事情總算解決．希望當地人見到及明白唔係每個香港人都係講"普通廣東話"啦。

新加坡女人街《Bugis Street》
成條街好短．勝在有瓦遮頭．裡面賣的有手信及地道食物．低簾攤檔賣"貴"價貨．都係眼看手勿動．整爛要買就唔低啦。行到條街中間居然聽到王菲的聲音＂夢中人　一分鐘抱緊　接十分鐘的吻＂??可能間飲品店知道王菲係我家姐．所以佢為我而播! 佢地咁識做．諗住買杯飲品．點知佢地未有得賣。

天氣好好　行去《小印度》

食食食在花多眼亂的《竹腳中心》
球場咁大的美食中心．用超過半個鐘揀食物算係小兒科啦．一路食一路多人．一邊望天一邊希望好天。11月係《南洋(星、馬、泰)》的雨季．新加坡的濕度勁香港十倍．未行完一條街成個人就濕透!!＂失雲雨＂更不在話下．一般在12點前都會天晴．12至1點真係陰晴不定．以為落一陣的過雲雨．居然可以落足個幾鐘。

等到個天光少少就馬上起行．繼續小印度之旅!

(誰是你)誰是我

大器　大棄

《維拉瑪卡里雅曼興都廟 Sri Veeramakaliamman Temple》

修...

入屋叫人　入廟不止拜神(重要除鞋)

我好鍾意《小印度》!　依個地方可算係新加坡內有性格的地方之一．無浮誇的建築物．又無市區咁繁華．最好都係仍然擁有自己的文化．有人話依一區住的是印度人．所以"香氣"特別撲鼻．無錯! 有庤廟就當然會香火鼎盛．依度真係有一般"印度香"的香味! 喜歡五顏六色多過五光十色．喜歡小印度的樸素．喜歡沒有高姿態打橫行的蟹．喜歡依度有一份"慢"。計劃來《小印度》已經喜歡依度．去過之後更喜歡小印度．下次要行足小印度一日至得!

去到星馬一定要食《叻沙Laksa》
第一次去馬來西亞第一樣食的食物就係《亞三叻沙(Asam Laksa)》．一食之後不止難忘．直情係愛上!!真係好好好鍾意依種味道．諗唔到任何形容詞去講出佢的吸引．但佢的確令我一次又一次話要再三回味的美食。唔好睇少佢其貌不揚的賣相．"有料到"的通常都唔會係金玉其外．一係唔係．一食就停唔到口．我有幾鍾意食? Laksa有幾好食? 講多無謂．睇相最實際．差兩啖就可以"照鏡"喇! 真係好X好味!!